Krisi Ekonomikoa -
Agintaldiko lehen urteurrena
Ekonomia arloko murrizketa nagusienak, Rajoy boterera iritsi zenetik
Hilabete eta erdi baino gutxiago falta da Rajoyren agintaldia hasi zenetik urtebete izateko. Hona hemen PPko Gobernuak egindako murrizketa nagusiak.
T.S.J.
Mariano Rajoy Monclora iritsi zenetik ia urtebete igaro da eta, legealdi hasieraren lehen urteurrenaren atarian, balantzea egiteko unea heldu da. Izan ere, Rajoyk egindako murrizketak lehen urte honen protagonista bilakatu dira.
Gauzak horrela, Hezkuntza, osasun eta enplegu ataletan egin ditu Gobernuak murrizketarik handienak. Diru-bilketa eta zergei dagokienez, irailaren 1ean indarrean sartu zen BEZaren igoera aipa dezakegu. Hona hemen "demokraziako aurrekontu zorrotzenak" posible egin duten murrizketek:
-OSASUNA: % 6,8ko murrizketa. Bakoitzaren errentan oinarritutako koordainketa ezarri du sendagaietan erreforma honek.
-ENPLEGUA: % 21,2ko murrizketa enplegurako politiketan eta % 5,4ko murrizketa langabezian daudenentzako diru-laguntzetan. Langabe berriek gutxiago kobratuko dute seigarren hilabetetik aurrera.
-PENTSIOAK: Erretiroa hartzeko adinaren atzerapena (67 urte). Pentsioa kalkulatzeko tartearen luzapena (15 urtetik 25 urtera arte).
-EKONOMIA: BEZaren tipo nagusiaren igoera (% 18tik % 21era), tipo murriztuaren igoera (% 8tik % 10era).
-HEZKUNTZA: % 21,9ko murrizketa. Unibertsitate publikoetan, ikasleek lehenengo matrikularen % 15 eta 25a ordainduko beharko dute. Gainera, ikasgela bakoitzeko ikasle kopurua % 20 handitu ahalko da. Halaber, Hezkuntza Ministerioak edukien % 75raino inposatu ahalko die Autonomia Erkidegoei.
-ALOR PUBLIKOA: Langile publikoek eta goi kargudunek ez dute aurtengo Gabonetako soldata jasoko. Gainera, ez zaie soldata igoko 2013 bitartean. Halaber, liberatu sindikalen kopurua murriztu dute. Udal erakundeak % 30 murriztu dute.
-FINANTZA ALORRA: Finantza-erakundeen aktibo toxikoak erosiko dituen 'banku txarra' sortu dute. Halaber, Bruselatik 100.000 milioi euroko diru-laguntza jasoko dute Espainiako bankuek.
-KULTURA: % 30eko murrizketa. BEZaren igoerari esker, CD eta DVDen salmenta % 3 garestitu da, eta antzezlanetarako eta musika kontzertuetarako sarrerak, berriz, % 13.
-ETXEBIZITZA: % 31,7ko murrizketa. 2013tik aurrera etxebizitzaren erosketak ez du zergak arinduko.
-IKERKUNTZA, GARAPENA ETA BERRIKUNTZA: % 25,6ko murrizketa.
-ALDERDIEI ETA SINDIKATUEI ESKAINITAKO DIRU-LAGUNTZAK: % 20ko murrizketa.
-GARAPENERAKO LAGUNTZA: % 65ko murrizketa.
