Krisi Ekonomikoa -
BEZ
Rajoyk esan du ez dituela 2013an BEZa eta PFEZa igoko
Gobernuko presidenteak espero du legegintzaldiko hasierako hilabeteetan hartu zituen bezalako “neurri hain gogorrak” hartu behar ez izatea.
Erredakzioa
Mariano Rajoy Gobernuko presidenteak adierazi du ez dituela datorren urtean Balio Erantsiaren gaineko Zerga eta Pertsona Fisikoen Erretaren gainekoa igoko. Era berean, legegintzaldiaren hasieran defizita betetzeko hartu behar izan zituen "erabaki gogorrak" berriro hartu behar ez izatea espero du.
Rajoy Francoi Hollande Frantziako Errepublikako presidentearekin izan da, eta elkarrekin bazkaldu ostean, Espainiako presidenteak gogorarazi du bera ez zela zergak igotzearen aldekoa, eta ziurtatu du ahal duen guztia egingo duela egoerak bere horretara bueltatzeko.
Edozien kasutan, Rajoyk esan du: “egoera dagoena da, eta serioak izan nahi badugu eta murrizketak gainditu nahi baditugu, aldi berean gauza asko egin behar dira; defizita murriztu, erreformak egin eta euroaren atzeraezintasuna bermatu behar dugu”.
Espainia erreskatatzea
Francois Hollande Frantziako presidenteak azpimarratu du Espainiak “laguntza finantziarioa eskatu ala ez, noiz eta nola”, Espainiako Gobernuak erabaki beharko duela, eta ez beste inork.Horrela adierazi du, presidente karguan Hollandek Espainiara egiten duen lehenengo bisita izan den horretan.
Espainiak egiten ari dituen “sakrifizioek emaitzak emango dituzte” Hollanderen ustez, “interes-tasak altuak” izaten jarraitzen duten arren. Alemaniako Auzitegi Konstituzionalak Erreskate Funtsa baliozkotu arte, Funtsak laguntza eskatzen duten herrialdeak babestu beharko dituela gaineratu du presidente frantsesak.
