De Guindos: 'Lan erreformak milioi bat langabe aurreztu zitzakeen'

Luis de Guindos Ekonomia ministroaren kalkuluen arabera, lan erreforma lehenago ezarri izan balute milioi bat langabe gutxiago egongo ziren. Gainera, neurri horiek urte honen amaierarako enpleguan "efektu positiboak" izatea espero du.

"Gobernua ziur dago epe ertainean lan erreformak efektu positiboak izango dituela", esan du ministroak, eta malgutasun mekanismoak lehenago aplikatuta Espainiak milioi bat langabe gutxiago izango lituzkeela gaineratu du.

Gainera, ekonomiak aurten % 1,7 behera egitea eta langabezia % 24ra iristea justifikatu du, Gobernuak "datu errealez" hitz egiten duelako.

"Gehien" dutenek doitze neurriekin elkartasuna azaltzeko eta laguntzeko eskatu du, eta laguntza publikoak jaso dituzten finantza-erakundeetan soldatak mugatzearen alde egin du.

Hala ere, Ekonomia ministroaren hitzetan, nahiz eta Espainiak defizita murrizteko ahalegin handiak egin arren, "itxaropena" dago eta Espainia "indartua" aterako da krisi honetatik.

Dena den, kreditua suspertu arte, hazkunde ekonomikorik eta enpleguen sorkuntzarik ez dela egongo onartu du.

Ildo horretan, De Guindosek esan du Espainia dela kreditu murrizketa gehien jasan duen herria.