Espainiako defizita % 8tik gorakoa izango dela uste du PPk

Espainiako defizita % 8tik gorakoa izan daitekeela ohartarazi du gaur Alfonso Alonso PPko Kongresuko bozeramaileak. Horrez gain, 5 milioi langabe baino gehiago izaten daitezkeela ere adierazi du.

Zapateroren Gobernuak "demokraziako oinordetzarik txarrena" utzi diela esan du Alfonso Alonsok, "pozoitutako oinordetza". "Sozialistek bildutakoa baino 90.000 milioi euro gehiago gastatu dituzte", adierazi du. Horren ondorioz, espainiar bakoitzari 2.000 euroko zorra eragin diela gaineratu du Alonsok.

Bestalde, langabezia 5 milioi pertsonatara helduko dela aurreikusi du buruzagi popularrak.

"Egoera aurreikusitakoa baino txarragoa da", adierazi du Alonsok.