Ekonomia -
Agerraldia Kongresuan
Espainia defizit helburua betetzeko 'bide onean' dagoela dio Rajoyk
Espainiako Gobernuko presidentearen hitzetan, konfiantzak gora egin du, eta, ondorioz, merkatuetan finantziazioa lortzeko Espainiak ordaindu behar dituen interesak jaisten ari dira.
AGENTZIAK | ERREDAKZIOA
Mariano Rajoy Espainiako Gobernuko presidentearen esanetan, herrialdeko ekonomia "bide onean" dago aurtengo eta 2016ko defizit helburuak betetzeko. Barne produktu gordinaren (BPG) % 4,2koa da zorraren muga 2015. urtean, eta % 2,8koa hurrengoan.
Rajoyk agerraldia egin du Diputatuen Kongresuan, Europar Batasuneko azken goi-bileraren edukien berri emateko.
Gobernuburuaren arabera, Europako Batzordeak aurreikuspen onak egin ditu Espainiarentzat. Dena dela, horren hitzetan, "herritarrek eta familiek" euren proiektuak gauzatu ahal izango dituztela da "benetan garrantzitsua".
Datu ekonomikoei dagokienez, Rajoyk adierazi du konfiantzak gora egin duela eta, ondorioz, merkatuetan finantziazioa lortzeko Espainiak ordaindu behar dituen interesak jaisten ari direla.
