Ekonomia -
CAN auzia
CAN Fundazioak justiziarekin kolaboratu zuela aitortu du epaileak
Fundazioak "kolaborazio eskasa" eskaini zuela esan zuen Velasco epaileak ekainean, baina orain atzera egin du.
Erredakzioa
Eloy Velasco Auzitegi Nazionaleko epaileak probidentzia bat publikatu du, Nafarroako Kutxa (CAN) Fundazioak justiziarekin kolaboratu zuela aitortzeko. Izan ere, ekainaren 12ko auto batean, CAN Fundazioak "kolaborazio eskasa" eskaini zuela esan zuen, eta orain zuzendu egin du.
Ekaineko akusazioaren ondorioz, Nafarroako Parlamentuak azalpenak eskatu zizkion Fundazioko Patronatuaren presidenteari, eta horrek ukatu egin zuen epailearekin kolaboratu ez izana.
Epailearen probidentziaren arabera, Fundazioak "auzitegi honek egindako eskaera guztiei erantzun zien".
