Justiziak aurrekontuaren % 73,3 herritarren zerbitzuei eskainiko die

Jaurlaritzaren Justizia Sailak % 5eko murrizketa izango du, 2013ko Aurrekontuen proiektuan aurreikusi bezalaxe, eta % 73,3 baliabideak finantzatzeari eta herritarren zerbitzuei eskainiko die.

Guztira 212,3 milioi euro izango dituztela azaldu du Erkorekak, egun baino % 7,9 gutxiago. Hala ere, martxan dauden programa guztiei eutsiko dietela ziurtatu du.

Aurrekontuen diru kopuru osoaren % 2,3 bideratuko da Justizia Sailera. Horren aurrekontuaren zati handiena (28,7 milioi euro) Justizia jauregien baliabideentzat izango da.

Halaber, arauak hautsi dituzten adingabeak birgizarteratzeko 12,8 milioi euro egongo dira eta 9,8 milioi doako laguntza juridikorako.

Bestalde, genero indarkeriaren biktimak artatzeko 1,6 milioi euro bideratuko dira eta 1,4 milioi familia topalekuetarako.

Administrazio Publikorako 43 milioi euro egongo dira, eta horietatik 13,3 herritarren arretarako eta euskal administrazio elektronikoko berrikuntzarako erabiliko da.

Hizkuntza normalizazioari dagokionez, ostera, % 3,8 igoko da % 3,8 igoko da aurrekontua iazkoarekin alderatuta. Guztira, 13 milioi euro. Erkorekak azaldu duenez, Jaurlaritzaren itzultzaile guztiak Administrazio Publikoaren baitan egongo direlako izan da, izan ere, orain arte hainbat Sailetan sakabanatuta zeuden.