#-gas_natural-#

Sei milioi pertsona daude gas naturalik gabe Kolonbiako hego-mendebaldean, gas-hodi baten inguruan izandako tenperatura hazkundearen ondorioz. Hipotesi nagusiaren arabera, Cerro Bravo sumendiaren inguruan izandako lur azpiko sute batek eragin du tenperatura hazkundea, non 600 ºC atzeman diren. 

8 kilometroko luzera eta 14 metroko zabalera izango luke, lurrazpi karstikoan egin nahi duten gasbideak. Aralar Zaindu Dezagun plataformatik, Lekunberriko lantegiek ekoizteko beharrezko duten gasa beste bide batetik ekartzeko eskatzen dute, parke naturala ukitu gabe.

Gas faktura beldurgarriak jasotzen ari dira azken asteotan tarifa arautura aldatu ez diren kontsumitzaileak. Kasu batzuetan 900 eurora ere iritsi dira abenduan eta urtarrilean egindako kontsumoagatik. Irtenbide bakarra dago: tarifa arautua aldatzea.

Kremliñen diru etorriak murrizteko eta Errusiak bere gerra finantziatzeko arazoak izan ditzan bere petrolioaren prezioari topea jartzea erabaki dute Europar Batasunak, G7k eta Australiak,60 dolar upeleko. Merkatu askearen printzipioak modu arriskutsuan aldatzea leporatu die Moskuk.

Espainiako Merkatuen eta Lehiaren Batzordeak abiatu du ikerketa; izan ere, bezeroak kexu dira, gasa merkaturatzen duten enpresek telefonoz ez dietelako arreta ematen, eta bulegoetan, aldiz, ilaran orduak eta orduak ematen dituztelako, itxaroten.

Tximinia garbitzaileak jo ta su ari dira lanean. Inoiz baino lan karga handiagoa dute aurten. Krisi energetikoa dela eta, tximinia piztea erabaki dute herritar askok. Tximinia garbitzaileek argi esan digute, mantentze-lanak ezinbestekoak direla, segurtasuna bermatzeko.  

Gasaren eta energiaren prezioaren igoerarekin, asko garestitze nabarmenak pairatzen ari dira euren fakturetan. Horiei aurre egiteko, GasNatureko teknikari Iñaki Markelek azaldu digu nola aurrez dezakegun energiaren kontsumoan, galdararik efizienteenak zeintzuk diren zehaztuta, besteak beste.

Gasaren kontsumoak % 32 egin du behera. Industria arloan jaitsiera are handiagoa izan da, % 40. Gainera, birgasifikazio plantak beteta daude. Erreserbak % 93an daude. Honek eragina izango du argindarraren prezioan.

Ministroen Kontseiluak errege lege-dekretu bat onartu du energiaren prezio altuek kontsumitzaileengan duten eragina arintzeko neurri berriekin, besteak beste, bonu sozialaren kategoria berri bat eta gasaren tarifa arautu berri bat galdara zentralizatua duten bizilagunen erkidegoentzat.

Suediako "Expressen" egunkariak 80 metroko sakoneran hartutako Nord Stream 1eko hodietako bat erakusten duten irudiak argitaratu ditu. Puntu horretan 50 bat metro hodi falta dira, eta hodiaren muturrak bihurrituta eta urratuta daude.

Neurri azpimarragarrienak, hauxek: Gas galdara komunitarioa duten bizilagunentzat tarifa arautua. Hala, euren faktura ia erdira murriztuko da. Euskal Autonomia Erkidegoan 120.000 familia inguru daude egoera horretan. Bonu sozial elektrikoa handitu egingo da, fakturaren %65 eta %80ko hobariarekin.