Endesa Liga irailaren 23an hasiko da, eta Araski, IDK eta Gernikak etxean ekingo diote

Emakumezkoen Endesa Ligak 2023-24 denboraldiko egutegia zozkatu du astearte honetan. Hasiera batean, zozketa 12:00etan izan behar bazuen ere, arazo tekniko batzuk tarteko arratsaldera arte itxaron behar izan dute klubek sasoi berriko norgehiagoken datak ezagutzeko.

Txapelketa irailaren 23an hasiko da, eta lehenengo jardunaldi horretan etxean aritzea egokitu zaie euskal talde guztiei. Hala, Kutxabank Araskik Baxi Ferrol Galiziako taldea izango du bisitari; IDK Euskotrenek, ostera Bembibre hartuko du Gascan. Azkenik, Lointek Gernikak Ensino garaitu beharko du Malosten.

1. JARDUNALDIA – IRAILAK 23, LARUNBATA

Kutxabank Araski – Baxi Ferrol

Barça CBS – Cadi La Seu

IDK Euskotren – Emb. Pajariel Bembibre

Movistar Estudiantes – Hozono Global Jairis

Perfumerias Avenida – SPAR Kanaria Handia

Valentzia Basket – Celta Zorka Recalvi

Lointek Gernika – Duran Maquinaria Ensino

Casademont Zaragoza – Spar Girona

Txapelketako liga erregularrari apirilaren 20an emango zaio amaiera, eta horrako horretan ere euren zaleen babesa izango dute lagun euskal taldeetako bik, Araskik eta IDK-k, hain zuzen ere; ez, ordea, Gernikak. Horrenbestez, honako hauek izango dira azken jardunaldiko neurketak euskal taldeentzat: Araski – Jairis, IDK – Ensino eta Avenida – Gernika.

30. JARDUNALDIA – APIRILAK 20, LARUNBATA

Kutxabank Araski – Hozono Global Jairis

Baxi Ferrol – Movistar Estudiantes

Spar Girona – SPAR Gran Canaria

IDK Euskotren – Duran Maquinaria Ensino

Cadí La Seu – Valencia Basket

Celta Zorka Recalvi – Emb. Pajariel Bembibre

Perfumerías Avenida – Lointek Gernika

Casademont Zaragoza – Barça CBS

Hortik aurrera, apirilaren 25etik hasita, liga txapelduna erabakiko duten play-offak jokatuko dira, gehien-gehienez maiatzaren 16ra arte luzatuko direnak.