Manchester Cityk Real Madril gainditu du eta Lyonek sorpresa eman du Juventusen aurka

Manchester Cityk Txapeldunen Ligako final-laurdenetako txartela bideratu du asteazken honetan Santiago Bernabeun, bost minututan bi gol sartu eta partida erabat aldatu ondoren. Isco Alarconek sartu du lehendabiziko gola, baina Gabriel Jesus eta Kevin de Bruyne penaltiz, emaitza 1-2 izatea lortu dute.

Real Madrilek beraz, gol bat baino gehiagorengatik edo emaitza 1-2 baino hobea bada gol bakarrarengatik irabazi beharko du Manchesterren. Gainera, Sergio Ramos gabe jokatuko du, Gabriel Jesusi egindako sarrerarengatik kanporatu baitzuten.

Fitxa teknikoa:

1 - Real Madril: Courtois; Carvajal, Varane, Sergio Ramos, Ferland Mendy, Casemiro, Valverde, Modric (Lucas Vazquez, 84. min), Isco (Jovic, m.84), Vinicius (Bale, 75. min) eta Benzema.

2 - Manchester City: Ederson; Walker, Otamendi, Laporte (Fernandinho, 33. min), Benjamin Mendy, Gündogan, Rodri, De Bruyne; Mahrez, Bernardo Silva (Sterling, 73. min) eta Gabriel Jesus.

Golak: 1-0, 60. min: Isco. 1-1, 78. min: Gabriel Jesus. 1-2, 83. min: De Bruyne, penaltiz.

Epailea: Daniele Orsato (Italia). Txartel horiak: Benjamin Mendy (Manchester City), Valverde (Real Madril) eta Modric (Real Madril). Txartel gorriak: Sergio Ramos (Real Madril).

Lyonek lehen atzaparkada eman du

Lucas Tousartek eta Fernando Marcalek garaipena ospatu dute. Argazkia: EFE

Olympique de Lyonek ustekabea eman du, Txapeldunen Ligako final-zortzirenetako joaneko partidan Juventus 1-0 garaitu ostean. Bestalde, Cristiano Ronaldoren bolada goletzailea moztu du.

Houssem Aouar Dybalari kaño bat egin eta Danilo driblatu gero, atzera erdiratu eta Tousartek gola sartu du. Higuainen punteria txarrari esker, harmaila lyondarrak ez du atsekaberik eraman. Juventusek Turinen kanporaketari buelta eman beharko dio orduan.

Fitxa teknikoa:

1 - Lyon: Lopes; Marçal, Marcelo, Denayer; Cornet (80. min, Andersen), Aouar, Tousart, Guimarães, Dubois (77. min, Tete); Dembele, Toko Ekambi (65. min, Terrier).

0 - Juventus: Szczesny; Danilo, De Ligt, Bonucci, Alex Sandro; Betancur, Pjanic (60. min, Ramsey), Rabiot (77. min, Bernardeschi); Cuadrado (69. min, Higuain), Dybala, Cristiano Ronaldo.

Golak: 1-0, 31. min Tousart.

Epailea: Jesus Gil Manzano (Espainia). Txartela horiak: Marcelo (27. min) eta Cornet (60. min).