Hernanik Victoriaren kontrako kanporaketa gainditu beharko du Lehen Mailako talde baten aurka jokatzeko

Hernanik Victoria izango du aurkari Errege Kopako atariko hirugarren kanporaketan. Gipuzkoako taldeak azaroaren 17an Coruñan jokatuko du galiziarren aurka eta aurrera egiten duenak bermatuta izango du hurrengo kanporaketan Santander Ligako talde baten kontra lehiatzea.

Kopako atariko hirugarren kanporaketak zehazteko zozketa ostegun honetan egin da Espainiako Futbol Federazioaren Las Rozaseko (Madril) egoitzan. Txapelketako lehen kanporaketan Lehen Mailako taldeak hasiko dira lehian, Superkopan arituko diren Athletic Club, Atletico Madril, Bartzelona eta Real Madril izan ezik.

Bestalde, Leioak Errege Kopako lehen kanporaketan egotea bermatu zuen Federazio Kopako finalerdietara sailkatu ostean, eta Santander Ligako talde bati aurre egingo dio Kopako hurrengo fasean.

Errege Kopako atariko 3. kanporaketako partidak (azaroak 17):

Aldeano - Unami

Victoria - Hernani

Nalon - Solares

Utrillas - Injerto

Mollerussa - Penya Independent

Alicante - CD 6 de junio

Villa de Fortuna - Atletico Espeleño

Huracan Melilla - Atarfe

Laguna - Jaraiz

San Agustin de Guadalix - Mora