Roncagliak haustura du eskuin hankako kuadrizepseko aurrealdean

A. B. | EITB Media

Facundo Ronclagia Osasunako futbolariak haustura du eskuin hankako kuadrizepseko aurrealdean, afekzio tendinosoarekin. Ez da baztertzen jokalariari ebakuntza in behar izatea.

Orria entzun Orria entzun

Facundo Roncaglia (Osasuna), Sevillaren aurkako partida baten. Argazkia: EFE

Whatsapp
Whatsapp
twitt
Bidali
Esteka kopiatu

Albisteak (3)

Facundo Roncaglia Osasunako jokalariak haustura du eskuin hankako kuadrizepseko aurrealdean, afekzio tendinosoarekin, klubak ostiral honetan publikatu duen mediku-txostenak dioenez.

Talde gorritxoko jokalariak min hartu zuen Almeriaren aurkako Errege Kopako partidako bosgarren minutuan, eta ezin izan zuen jokatzen jarraitu. Partida horretan, Osasuna Kopatik at geratu zen.

Nafarroako Unibertsitate Klinikan egin dizkiote azterketak ostiral honetan, eta medikuek ez dute baztertzen Roncagliari ebakuntza egin behar izatea.