Getafe-Osasuna partida irailaren 19an jokatuko da, 18:30ean

Ligako bigarren jardunaldiko Getafe-Osasuna partida irailaren 19an, larunbatean, jokatuko da 18:30ean. Neurketa ostiralerako (irailak 18) aurreikusita zegoen, baina Ligak asteazken honetan baieztatu du irailaren 19an jokatuko dela.

Lehen jardunaldian gertatu bezala, bigarrenean ere ez da jokatuko Santander Ligako eta SmartBank Ligako partidarik ostiralean (irailak 18) eta astelehenean (irailak 21).

"Espainiako Futbol Federazioko Lehiaketa Batzordeko epaileak irailaren 9an hartu zuen erabakiak eragindako nahasmen eta ziurtasun-gabezia dela eta, Ligak erabaki du bigarren jardunaldiko partiden datak eta ordutegiak aldatzea. Hala ere, gogoratu behar dugu, oraindik indarrean daudela Ligaren aldekoak diren behin-behineko neurriak. Aldaketak egitearen erabakia, klubak ez kaltetzeagatik hartu da", adierazi du Ligak.

Ondorioz, Santander Ligan, Getafe-Osasuna irailaren 19an jokatuko da, 18:30ean; bestalde, astelehenerako aurreikusita zegoen Betis-Valladolid irailaren 20an (igandea) jokatuko da, 18:30ean.