Toni Lato Osasunan arituko da utzita, denboraldia amaitu bitartean

Valentziak eta Osasunak akordioa lortu dute Toni Lato ezker hegalekoak Nafarroako taldean utzita joka dezan denboraldia amaitu arte.

Jokalaria PSV Eindhoven zegoen, utzita han ere, baina Herbeheretako taldearekin kontratua etetea adostu du.

"Lato aurki aurkeztuko dugu talde gorritxoko jokalari berri bezala Braulio Vazquez kirol zuzendaria alboan duela. Datorren astean jarriko da Jagoba Arrasateren aginduetara, taldea Taxoareko entrenamenduetara itzultzen denean", iragarri du Osasunak ohar baten bidez.

Antonio Latorre (22 urte) Valentziaren beheko kategorietan trebatutako jokalaria da, eta bertan egin zuen debuta Lehen Mailako jokalari gisa, 2016/17 denboraldian, hain zuzen ere. Joan zen udan utzita joan zen PSVra, baina ez ditu espero zituen minutuak eskuratu bertan.