Alavesek botako du txupinazoa 2023ko Andre Maria Zuriaren jaietan, Gasteizen

Alavesek botako du, abuztuaren 4an, 2023ko Andre Maria Zuriaren jaietako txupinazoa, Gasteizen, ostegunean Rocio Vitero EH Bilduk Arabako hiriburuan duen bozeramaileak jakitera eman duenez. Aurreko udal hauteskundeetan, maiatzaren 28an, botorik gehien jaso zituen alderdia izanik, EH Bilduk erabakitzen du nor arduratuko den jaietako txupinazoa jaurtitzeaz, eta koalizioak Alaveseko jokalarien eta zaleen aldeko apustua egin du, horretarako. Ekitaldia, horrenbestez, "zuri-urdinez jantziko da"; izan ere, "gasteiztar guztiokin partekatzen dugun sentimendua da".

Eider Egaña atezaina, Victor Laguardia atzelari eta kapitaina eta Arabako Garrasia taldeko hiru kide izan dira Rocio Viterorekin batera, jokalariak eta zaleak ordezkatzeko. "Taldea, kirolariak eta zaleak ditugu", azpimarratu du Viterok.

¿ @ehbildugasteiz como ganador de las últimas elecciones municipales, decide quién lanza el txupinazo que da inicio a las fiestas de #VitoriaGasteiz

¿ @RocioVitero anuncia que será el #Alaves: jugadores, jugadoras, y la afición a través de Arabako Garrasia pic.twitter.com/Ehg7N2PuMo

— Radio Vitoria (@radio_vitoria) July 13, 2023

Hala, Alaves, abuztuaren 4an, jaietako hasieran, Andre Maria Zuriaren plazara bueltatuko da; ekainaren 19an, gizonezkoen taldeak EA Sports Ligarako igoera lortu zuenean, milaka lagun izan ziren bertan, arrakasta hori ospatzeko.