“Gizakia ilargian finkatzea eta handik esplorazioa Martera zabaltzea da NASAren helburua ARTEMIS misioarekin”

Artemis I misioa azaroaren 16an abiatu zen NASAren Floridako Kenedy zentrotik espazioara eta, ondobidean, gaur itzuliko da lurrera, zehazki ozeano pazifikoan itsasoratuko da. Idoia Mujika materialen fisika zentroko kideak adierazi digunez, misioaren helburua zera izan da: ilargiari buelta bat ematea, orbitan zehar ilargia arakatzen jarraitu ahal izateko hainbat satelite uzteko eta bueltan berriro lurrera itzultzea.

Mujikak nabarmendu duenez, Artemis misioan NASAk erabili duen teknologia oso berezia eta aurreratua da, "historian Space Launch System delakoa lehen aldiz erabili da ontzi bat espazioratzeko". Lurrera bueltan, atmosfera arazorik gabe zeharkatzea da NASAren erronka nagusia.

Artemis I misio honen ostean, Artemis II etorriko da. Bigarren horretan astronautak bidaliko dituzte ilargiaren bueltan orbitatzera. 2030etik aurrerra, berriz, Artemis III misioak astronautak ilargira bidaltzea ez ezik, gizakia bertan finkatzea du xede, behin ilargian base bat ezarrita, handik beste satelite edo planeta batzuk esploratzen jarraitzeko.