Erreklamatu: "Mailegu gastuen dirua itzultzen ari dira bankuak baina dagokiena baino kopuru txikiagoan"

2019. urtea aurretik etxebizitza erosteko mailegua eskatu zuten bezeroek bide administratibo hutsaren bitartez (agiri batekin) eska dezakete mailegu horren gastuak bueltatzea. Baina, epea bukatzear egon liteke: urtarrilaren 23an, asteartean, amaituko litzake berez erreklamaziorako aukera (epaia iraungiko litzake).

Kontua da, eskaria egina dutela kontsumitzaile bulegoek epe hori luzatu dadin. Besteren artean, covidgaraian prozedura judizialak etenda egon ziren 3 hilabeteak gehituz. Horrek apirila arte luzatuko luke eskariak aurkezteko epea eta abokatu gehienek uste dute hala izango dela baina, bien bitartean, aholkua da ahal dela urtarrilak 23 aurretik diru horren itzulketa eskatzea.

Bezero batzuk egin dute hori eta zein izan da erantzuna? Jon Ortiz, Erreklamatu bulegoko abokatuak eman ditu azalpenak Faktoria albistegian: 'Duela 6 hilabeteetatik jabetzen ari gara banketxeen erantzuna aldatu dela. Lehen eskarien ezezkoa zen kasu gehienetan eta orain bai onartzen dutela dirua bueltatu behar dutela'. Baina, abokatuak somatzen ari dira finantza erakundeen aldetik beste estrategia bat: 'azken garaian ikusten ari garen praktika da, banketxeak eskaintza bat egiten du eta bezeroak eskatzen duen kantitatea baino txikiagoa ordaindu nahi izaten du'. Kasu askotan, interesak ez ditu interesak ordaintzen, 'seguruaski jendea diru kopuru gutxiagorekin konformatu dadin'. Horren aurrean, abokatu bulegoen aholkua da eskaria bide administratibotik egitea eta ezezkoa jasotzen badu, epaitegietara joatea.