Miren Altuna: Halako tratamenduek diagnostiko goiztiarrak sustatu ditzakete, eta aldaketa esanguratsua eragin.

Ez da konponbidea, ez du inor Alzheimerretik sendatuko, baina aldaketa ekarriko du. Fase goiztiarrenean dauden gaixoengan egin diren entsegu klinikoek emaitza positiboak utzi dituzte. Adibidez, gaixoaren eta bere ingurukoen bizi kalitatean mesedea eragiten du. Ez agian beharko litzatekeen adinakoa, baina bai medikuengan itxaropena sortzeko bezain beste.  

18 hilabetez iraun duten entsegu klinikoek ehuneko 27ko hobekuntza ekarri dute oraindik sintomak jasaten hasi ez diren gaixoentzat. Eta Miren Altuna neurologoaren arabera, "ez dago argi benetan eraginkorra izan litekeen. Argi dago pertsonen memoria, orientazioa eta euren autonomiari dagokionez mesedea eragiten duela, alor guztietan, baina hobekuntza txikia da, eta entseguen epea laburregia". Hori guztia gutxi ez balitz, zalantzak eragiten dituen bestea da bere "kostu ikaragarria". Kontuak kontu, bere eskuetara iristen den unean ez du zalantzarik izango. Bere pazienteei eskainiko die, gauzak argi esanda: paziente konkretu batzuetan soilik aplikatu ahalko da, eta, batez ere, ez du erabateko sendabidea ekarriko.