''Ez daukat zalantzarik Irungoa bideratuko dela''

Irungo udaleko aurrekontuak onartzeko sozialistek egin duten mugimenduaren atzean ez du ikusten Josu Erkorekak "planteamentu estrategiko berri bat". Areago, Jose Antonio Santano alkateak EH Bildurekin eta Podemosekin lortutako akordioa ez dela epe laburrean errepikatuko uste du Jaurlaritzarne bozeramaileak, 'Faktoria'n esan digunez. Seguru mintzatu da  Gipuzkoan EAJk eta PSEk egoera bideratzeko "urratsak emango dituzte"naz, behar balitz  akordioaren protokoloa gehiago zehaztuz: "elkarri gehiago abisatu beharra", esan du Erkorekak. 

Espetxe politikaz galdetuta, ukatu egin du Lehendakaritzatik ETAko presoak "blokean hurbiltzeko" eskaera egin denik. Bestalde Guardia Zibilak Sortuko hainbat kideren aurka egindako azken polizia operazioari buruz, ETAko presoen ongietorrian gaian, "epaileek orain arte adierazpen askatasuna bultzatu dute"-la gogoratu du Erkorekak. 

Hortik aterata, Sanchezen gobernuak 50.000 biztanletik gorako hiriguneetan gas igorpenak gutxitzeko bultzatu nahi duen trafiko murrizketa, "ondo bideratutako neurria" dela uste du Erkoreka sailburuak. Hala ere, ikusi egin beharko da neurria nola txertatzen den araudian, "eskuduntza partekatua baita" adierazi du Erkorekak.