EuskoTrenek zerbitzu bereziak eskainiko ditu Behobia-Donostia lasterketa dela eta

EITB.EUS

Zerbitzua 07:15etik 14:30era indartuko du konpainiak, Amaratik, Lasarte-Oriatik eta Zumaiatik tren gehiago eskainita.

Orria entzun Orria entzun

Topoaren tren bat, EiTBren artxiboko irudi batean.

Whatsapp
Whatsapp
twitt
Bidali
Esteka kopiatu

Albisteak (1)

30.000 korrikalarik baino gehiagok hartuko dute parte Behobia-Donostia lasterketan

Behobia-Donostia lasterketa dela eta, EuskoTrenek zerbitzu bereziak eskainiko ditu igandean, 07:15etik 14:30era.

Tren konpainiak ohar batean azaldu duenez, Irun Ficobara joan nahi duten korrikalariek Amaratik zein Lasarte-Oriatik eta Zumaiatik ohiko zerbitzura tren gehigarriak izango dituzte goizean goiz. Tren horietako batzuk erdi-zuzenak izango dira. Era berean, lasterketan zehar eta 14:30era arte, Topoaren zerbitzua indartu egingo da, bidaiari asko aurreikusten baitira.

Bezperan, azaroaren 10ean, tren gehiago egongo dira Ficoban egingo duten 'Lasterketaren Azoka'ra joateko. 10:00etatik 18:00etara, Hendaia eta Amara artean (noranzko bietan) 15 minutuz behin ibiliko dira trenak.

Tren horiek Anoetara, AEB-Samoa errugbi partida ikustera, joan nahi dutenei emango diete zerbitzua.