Hauteskundeetako emaitzak, bat-batean eitb.eus-en

eitb.eus-ek zuzenean eskainiko ditu 2016ko EAEko hauteskundeetako emaitzak, I-25eko botoen zenbaketak aurrera egin ahala.

Horrela, Euskadiko hauteskundeen emaitzak berehala eta bat-batean ezagutu ahalko dira. Lurraldez lurralde ere kontsultatu ahalko dira, Araban, Bizkaian eta Gipuzkoan.

Gainera, Bilboko, Gasteizko eta Donostiako eta gainerako herrietako emaitzak ere eskura egongo dira.

Horrekin guztiarekin batera, egunean zehar eta hauteskunde gauean gertatuko den guztia jasoko dute bideo, audio, argazki eta idatzitako informazioen bidez. Zuzenean jarraitu ahal izango dira ETB1eko eta ETB2ko saio bereziak, baita Euskadi Irratia, Radio Euskadi eta Radio Vitoriako irratsaioak ere.

Sakeleko telefono, tablet eta ordenagailuetatik ere eduki hauek guztiak eskuragai izango dira. Horrez gain, 'responsive' bertsioaz gainera (edozein gailutik egoki ikusteko dieseinatutako bertsioa), zuzeneko lotura eskainiko da web berezira EiTBko app-aren bidez.