Erizain langabetuen kopurua hirukoiztu da hiru urtetan Euskadin

Pilar Lecuona Gipuzkoako Erizaintza Elkargo Ofizialeko presidenteak gaur adierazi duenez, erizain langabetuen kopurua hirukoiztu egin da azken hiru urteetan: 2010ean, 270 erizain zeuden langabezian; egun, 714 erizain dira.

Erizaintzaren Nazioarteko Egunaren harira Lecuonak zabaldutako agiriaren arabera, osasun arloan izandako murrizketek "erizainen taldeari bereziki eragin diete". "Mediku langabetu bakoitzeko, bost erizain geratu dira langabezian", azaldu du Lecuonak.

Gauzak horrela, "egun lan egiten ez duten erizainen benetako errolda" sortuko du Gipuzkoako elkarte horrek. Hori dela eta, haien lan-egoeraren berri emateko gonbidapena bidali die kide guztiei.

Halaber, erizain gazteren egoera ezagutzeko asmoa dutela iragarri du Lecuonak, langile-murrizketen ondorioz gainerako langileetan eragindako lan-zamak aztertzeko, "albo-kateak izenarekin ezagutzen direnak". Erizainen elkarte horrek bilera deitu du biharko hasierako ebaluaketa egiteko eta "datu errealekin, alorraren benetazko irudia izateko".