De Miguel Auzia

Zigorraren zati batzuk baliogabetuz kartzelara ez joatea eskatu du Alfredo De Miguelek, eta Aitor Telleriak, aldiz, zigor osoaren indultua eta gaixotasun bat izatea arrazoituz ez kartzelaratzea. Indultuak Espainiako justizia ministerioak aztertu behar ditu.

Eusko Jaurlaritzak Koldo Otxandiano lan-eskaintza publiko batetik kanpo utzi du. Horretaz gain, Iratxe Gaztelu-Urrutiaren kontratua eten du. Alfonso Arriolak, berriz, bere postuan jarraituko du.

Cuca Gamarra Alderdi Popularreko idazkari nagusiak Bilbon adierazi duenez, Pedro Sanchez Espainiako Gobernuko presidenteak eta Iñigo Urkullu lehendakariak "antza dute, elkar behar dute eta babestu egiten dira" ustelkeriaren aurrean, Berni eta De Miguel auziei erreferentzia eginez.

Lehendakariak nabarmendu du Jaurlaritzak "irmotasuna", "zorroztasuna" eta "berme juridikoa" izan dituela atzo bertan Alfredo de Miguel eta Koldo Otxandiano kaleratzean, Arabako Probintzia Auzitegiak ustelkeriagatik ezarritako zigorren irmotasun autoaren berri izan ostean.

De Miguel kasuko lau auzipetu nagusiak hasi dira auzitegiaren jakinarazpenak jasotzen. 10 egun eman dizkiete kartzelaratze agindua jaso eta kartzelan sartzeko. Hala ere, erreguzko errekurtsoa aurkeztuz gero egun batzuk atzeratu ditzakete.

Arantxa Tapiak jakinarazi duenez, Arabako Probintzia Auzitegiak "De Miguel auziko" behin betiko zigorren irmotasun autoa jakinarazi du, eta saileko bi pertsonak autoa Arabako Parke Teknologikora eta Haztira eramango dute gaur bertan.

Arantxa Tapia sailburuak adierazi du dena prest dagoela Alfredo De Miguel eta Koldo Otxandiano euren postuetatik kaleratzeko. Hala ere, atzo Gorenak bidalitako sententzia irmoa dela adierazi beharko du Arabako Auzitegiak.

Arantxa Tapia sailburua De miguel kasuari buruzko azalpenak eman ditu Legebiltzarrean. Auzi honetan kartzela zigorra ezarri zaienen aurkako epaia irmoa izan arte Jaurlaritzak ezin duela neurririk hartu berretsi du Tapia sailburuak.

Hori dio Jaurlaritzako Hazi Fundazioko txostenak. Jaurlaritzak baina epaia irmoa izan arte ezin zuela neurririk hartu defendatu izan du. Gauzak horrela, lehendakariari azalpenak eskatu dizkiote EH Bilduk eta Alderdi popularrak, gizartea engainatzeagatik.

Oposizioak De Miguel kasuarekin estutu du lehendakaria. Kritika gogorrenak Carlos Iturgaizek egin dizkio. Nahiz eta ukatu, De Miguel auzia EAJren kasua dela esan du eta alderdi jeltzalean ustela izatea ez dela zigortzen esan du Iturgaizek.

Iñigo Urkullu lehendakariak gogorarazi du ustelkeriaren gaitzespen "osoa eta borobila" egin zuela duela 12 urte, EAJko presidente zenean.

Iñigo Urkullu lehendakariaren arabera, "De Miguel auziaren" epaiak "politika zer den eta zer izaten jarraitu behar duen erakusten digu".

Iñaki Gerenabarrenak, orduko Araba Buru Batzarreko presidenteak, De Miguel auziagatik barkamena eskatu beharko lukeen galdetuta, Jose Antonio Susok ezetz uste duela erantzun du. "Prozedura osoan ez da haren izena agertu", adierazi du Susok.

De Miguel auziko epaia jaso eta berehala zigorrak gauzatzeko protokoloa abian jarriko da. Espetxe zigorrak jaso dituzten EAJko bost kargudun ohien kartzelartzea beraz, ez da egun batetik besterakoa izango.

Alfredo de Miguel eta Koldo Otxandiano Arabako EAJko buruzagi ohiak euren karguetatik kentzeko agindua eman zuen atzo Eusko Jaurlaritzak, Auzitegi Gorenak ustelkeriagatik ezarritako kondenak berretsi eta gero. Orain, jakinarazi zaiela azpimarratu du Arantxa Tapia Ekonomia sailburuak.

EH Bilduko legebiltzarkideak kasu hau "sigletatik aldentzeko dauden saiakerak" salatu ditu, baina bere ustez, jendeak ez du zalantzarik.

Carlos Iturgaizek salatu duenez, "De Miguel burukidearen ustelkeria kasu bat izateaz gain, EAJren ustelkeria kasu bat da". Bere ustez, ezinezkoa da ustelkeria hori guztia EAJren buruzagitzak ez ezagutzea.

"De Miguel auziaz" galdetuta, Josu Erkoreka sailburuak berretsi du Eusko Jaurlaritzaren jarrera hasieratik irmoa izan dela eta egindako iruzurrari erantzuteko eskatuko zaiela errudunei.