Ulrich Seidl ez da Zinemaldian izango

N. V. | EITB Media

Austriar zuzendaria Donostian egongo zela iragarrita zegoen, baina ez du "Sparta" bertatik bertara aurkeztuko, filmaren errodajearen inguruko polemikak hautsak harrotu eta gero. Proiekzioak, halere, aurrera jarraitzen dute.

Orria entzun Orria entzun

Ulrich Seidl "Sparta" filmaren zuzendaria. Argazkia: © IngoPetramer,UlrichSeidlFilmproduktion

Whatsapp
Whatsapp
twitt
Bidali
Esteka kopiatu

Albisteak (1)

Zinemaldiak "epailearen aginduz" soilik egingo lioke uko "Sparta" filma proiektatzeari

Ulrich Seidl zinemagilea ez da Donostiako Zinemaldian izango, jaialdiko zuzendariek baieztatu dutenez. "Sparta" filma Gipuzkoako hiriburuan aurkeztekoa zen austriar zuzendaria, baina, gaur iragarri dutenez, prentsaurrekoa bertan behera gelditu da.

Zinemalditik baieztatu dutenez, nolanahi den, proiekzioek indarrean jarraitzen dute, iragarri bezala, Zinemaldiak bere garaian baieztatu zuenez, "epailearen aginduz" soilik egingo bailiokete uko "Sparta" filma proiektatzeari.

"Der Spiegel" alemaniar astekariak argitaratu du Ulrick Seidl Sail Ofizialean parte hartuko duen pelikularen zuzendariak ez ziela esan aktore adingabeei pelikulak pedofilia jorratzen duela. Seidlek ukatu egin du informazio hori.