Utopia izango da Dferiaren hogeita hamargarren edizioko gai nagusia

Utopia, gai gisa, eta Italia, herri gonbidatu gisa, izango dira Dferia arte eszenikoen Donostiako azokaren ardatzak aurten, topagunearen hogeita hamargarren edizioan. Martxoaren 11tik 14ra egingo dute jaialdia, eta Centro Coreografico Nazionale / Aterballetto izen handiko italiar taldeak irekiko du 2024ko edizioa, martxoaren 10ean egingo dute inaugurazio ekitaldian, Yeled, Shoot Me eta Rhapsody In Blue dantza piezekin. Itxiera, berriz, Gelsomina Dreams Compagnia blucinQue-ren ikuskizunak emango dio.

25 konpainiaren 28 ikuskizunen 34 emanaldi izango dira Donostiako hainbat antzeztokitan, lau egunean. Ikuskizunen % 44 dantzakoak izango dira, %52 antzerkia, eta zirku ikuskizun bat izango da.

Sarrerak urtarrilak 26an jarriko dituzte salgai, 11:30ean, webgunean eta Victoria Eugenia eta Antzoki Zaharreko leihatiletan.

Ikusgai izango dira, besteak beste, Bihar arte soilik Erre Produkzioak taldeak otsailean estreinatuko duen antzezlana, Forever Kulunka Teatroren testurik gabeko antzezlana, Née (Nacida) Cielo Raso euskal konpainiaren dantza ikuskizuna, Macho grita Alberto San Juanen komedia, Shine Lasalaren dantza pieza, Txalaparta Kukai Dantzaren eta Jesus Rubio Gamoren ikuskizun berria (otsailaren 3an estreinatuko da), La sed del minotauro Khea Ziaterren lana, El patio de las moreras Vaivén Producciones taldearen lanaren estreina…