Hamar euskal konpainiak ikuskizunak estreinatuko dituzte Leioako Umore Azokan

Umore Azokaren, kale artisten Leioako bilgunearen, hogeita hirugarren edizioa ostegunean, maiatzak 18, hasi, eta igandera arte, hilak 21, egingo da. Tarte horretan, 43 konpainiaren ikuskizunak izango dira, eta guztira 90 emanaldi eskainiko dituzte.

Emanaldi guztiak (dantza, antzerkia, zirkua, performanceak, clowna, ibiltariak, instalazioak eta musika) Leioako plaza, kale eta txokoetan egingo dituzte, eta doakoak izango dira.

Umore Azokan ia hogei euskal konpainia izango dira, eta horietako hamarrek ekoizpen berriak estreinatuko dituzte: Harrobi Dantza Bertikala, La Glo Zirko Dantza, Lekittoko Deabruak & Zozongo, Piszifaktoria Ideien Laborategia, Barre Taldea, Hortzmuga Teatro, Rojo Telón, Trapu Zaharra, Qabalum eta Batcharte Dantza.