Euskaltel-Euskadik James Fouche fitxatu du

Euskaltel-Euskadik James Fouche fitxatu duela iragarri du ostegun honetan. Hala, 21 txirrindularik osatuko dute hastear den 2024ko denboraldirako taldea.

Fouchek (1998, Christchurch, Zeelanda Berria) euskal taldeko errodadoreen eta klasikozaleen multzoa indartuko du. 1,86 metro luze den txirrindularia da, eta badaki zer den profesionaletan irabaztea. Bolton (2021-2023) taldetik dator. Europako itzulietan eta klasikoetan lehian ibili izan da: iaz Ceramiko Sari Nagusia ez ezik, Britainia Handiko Itzuliko Mendiko sailkapena irabazi zuen, baita Poitou Charentes Itzulia ere. Horrez gain, Zeelanda Berriko eta Ozeaniako txapelketan nagusi izan zen 2022an. 

Euskaltel-Euskadik 2024 denboraldirako egin duen zortzigarren fitxaketa da, Jon Aberasturi, Nicolas Alustiza, Iker Bonillo, Xavier Cañellas, Victor de la Parte, Iker Mintegi tea Unai Zubeldia txirrindulariekin batera. Jorge Azanza taldeko kirol arduradunaren esanetan, "talde lehiakorra eta orekatua osatu dute, beteranoak eta gazteak nahastuta. Aurten emaitza onak ematea espero dugu".

Taldekide guztiak Altean (Alicante) daude lanean orain, Fouche izan ezik, urtarrilaren 18ra arte. Urtarrilaren 20an eta 21ean hartuko dute parte lehen lasterketetan: Valentziako Erkidegoko 1969 Klasikoa eta Zeramikaren Ibilbidea. Fouchek Zeelanda Berriko txapelketetan arituko da lehian otsaila hasieran, Europara bidaia egin eta haren talde berriarekin bat egin baino lehen.

¿¿ @jamesfouche98 , fitxaketa berria aurtengo denboraldirako.

¿¿ "Umetan, gogoratzen dut taldea telebistaz ikustea munduko lasterketa handi batzuetan, eta orain proiektu honen parte izatea sinestezina da”.

¿¿ Albistea: https://t.co/G4HOw040yN#EuskaltelEuskadi pic.twitter.com/KCGROm1AyV

— Euskaltel Euskadi Team (@euskaltelteam) January 11, 2024