Realak Maddi Torre, Allegra Poljak, Gemma Gili eta Gabriela Garcia jokalarien bajak iragarri ditu

Maddi Torre, Allegra Poljak, Gemma Gili eta Gabriela Garcia jokalariek Reala utziko dutela iragarri du talde donostiarrak astelehen honetan. Halaber, Jade Le Guilly Donostian utzita aritu den jokalaria ere denboraldiaren amaieran joango dela adierazi dute.

Maddi Torreren kasuan aurretik ezaguna da 27 urteko gazteak Reala utziko duela, jokalariak berak duela egun batzuk sare sozialetan iragarri zuelako.

Klubaren hitzetan, guztiek garrantzi handia izan dute emakumezkoen taldearen azken lorpenetan: Txapeldunen Ligarako sailkapen historikoa lortu zuten eta 2022-23ko Superkopako finala jokatu zuten. Gainera, Maddi Torre 2019an Erreginaren Kopa (Realak bere historian lortutako lehen titulua) irabazi zuen taldean izan zen.

Klubak onena opa die guztiei euren ibilbidea pertsonalean zein profesionalean.

Aurreko egunetan, Iraia Iparragirrek eman du taldea eta futbol profesionala uzteko erabakiaren berri. Ekainaren 30ean amaituko zaio kontratua, eta jokatzeari uztea erabaki du, zortzi denboraldi profesionaletan eman ostean.

0:23

Horrelakoa da Iraia Iparragirre Realaren kapitainak eta taldekideek botatzen duten garrasi ikusgarria