Le Normand, Espainiako selekziotik oso gertu

Luis de la Fuente Espainiako selekzioko hautatzailea Robin Le Normand Realeko jokalari frantziarrarekin harremanetan jarri da Espainiako selekzioarekin joka dezan, hedabideek adierazi dutenez.

Erdiko atzelari txuri-urdina ez dute deitu Frantziako selekzioarekin jokatzeko, beraz, espainiarrekin jokatzeko prest egongo litzateke eta heritartasun bikoitza lortzeko izapideak hasi ditu, Aymeric Laporte Athletic Clubeko jokalari ohiak egin zuen bezala. Dagoeneko hasi dira beharrezko izapideak egiten jokalaria Espainiako selekzioan lehenbailehen hasi ahal izateko.

Le Normand 2016an iritsi zen Realera, hiru urte geroago lehen taldearekin debuta egiteko, eta ezinbesteko zutabea bihurtu da Imanol Alguacilen hamaikakoan.