Januzajek lesioa du eskuin iztondoan eta Llorentek bihurritua du eskuin orkatilan

Adnan Januzaj min hartuta dago, eta jokalariaren lesioarekin arduratuta daude talde txuri-urdinean. Realak eskaini duen osasun-parteak dioenez, "Januzajek mina du eskuin iztondoan. Asteartean egindako erresonantzia magnetikoan, hezur edema antzematen da pubisaren artikulazioaren bi aldeetan. Faisioterapia tratamendua jasoko du, eta lan pertsonalizatua egingo du. Eboluzioaren arabera itzuliko da entrenamenduetara eta partidetara".

Januzaj baja izango da Real Madrilen aurkako partidarako eta ziurrenik, aste batzuetarako. Bestalde, Diego Llorente ere zalantza da Bernabeurako, bihurritua baitu eskuin orkatilan eta ezin izan du astearteko lan-saioa bukatu.

Baina bada albiste onik ere Realean, Carlos Martinez talde-dinamikara itzuli baita, bere lesiotik sendatuta.