Danimarka finalerdietan da, Txekiari irabazi ostean (1-2)

Danimarka Eurokopako finalerdietan sartu da Txekiar Errepublika 1-2 mendean hartuta. Danimarkarren bi golak lehen zatian iritsi dira eta, ondoren, ondo eutsi diete txekiarren saiakerei.

Thomas Delaneyk 5. minutuan egin du danimarkarren lehen gola, eta Kasper Dolbergek bigarrena, 42.ean. Txekiarrek aldea murriztea lortu dute Patrik Schickek 49. Minutuan egindako golari esker, baina ezin izan dute kanporaketa irauli.

Ondorioz, finalerdietarako txartela Danimarkak lortu du. Irabazleek Ingalaterra izango dute aurkari, asteazkeneko finalerdian.

Fitxa teknikoa:

1.- Txekiar Errepublika: Vaclík; Coufal, Celustka (Brabec, 65. min), Kalas, Boril; Holes (Jankto, 46. min), Soucek; Masopust (Krmencik, 46. min), Barák, Sevcik  (Darida,  80. min); eta Schick (Vydra, 79. min).

2.- Danimarka: Schmeichel; Stryger (Wass, 71. min), Christensen (Andersen, 81. min), Kjaer, Vestergaard, Maehle; Hojbjerg, Delaney (Jensen, 81. min); Damsgaard (Norgaard, 60. min), Dolberg (Poulsen, 59. min) eta Braithwaite.

Golak: 0-1, 5. min: Delaney; 0-2, 42. min: Dolberg; 1-2: Schick, 49. min.