Futbola

23:51

Osasuna

ERREGINAREN KOPA

Osasunak galdu egin du Bartzelonaren aurka, baina helegitea aurkeztuko du

EITB MEDIA

Lehen zatian gorritxoek 0-2koari eutsi badiote ere, bigarren zatian Bartzelona nagusitasunez gailendu da. Aitzitik, Osasunak helegitea aurkeztuko du Bartzelonak Geyse Ferreira jokalaria bidegabeki erabiltzeagatik.

  • Osasuna-Bartzelona

    Osasunak ezin izan du Bartzelonaren aurkako porrota ekidin. Argazkia: osasuna.es

  • Whatsapp
  • Whatsapp
  • Bidali
  • Esteka kopiatu

Albisteak (3)

Bideoak (1)

Osasunak jipoia jaso du (0-9) Bartzelonaren aurkako Erreginaren Kopako final-zortzirenetako partidan, eta, printziioz, txapelketatik kanpo geratu dira.

Kakun Mainzek zuzentzen duen taldea ondo eutsi zion partidaren hastapenari, Sadarren bildutako 6.167 zaleen animoekin. Hala ere atsedenaldira 0-2 azpitik joan ziren, Brunak sartutako bi gol jaso ondoren (23. min eta 26. min).

Atsedenaldiaren ostean, baina, taldeen arteko aldea nabarmenagoa izan da. Osasunak fisikoki behera egin du, eta Bartzelonak martxan jarri du bere erasoko ahalmena, etabeste zazpi gol erdietsi dituzte: Salma Paralluelo (48. min eta 57. min), Bruna (55. min), Geyse (53. min),  Aitana Bonmatí (67. min eta 84. min) eta Mariona Caldentey (82. min) izan dira golegileak.

Helegitea Geyse oker zelairatzeagatik
Partida bukatu ondoren, Emakumezkoen Osasuna Fundazioak ohar baten bidez iragarri zuen helegitea aurkezteko asmoa zuela, Jonatan Giraldez Bartzelonako entrenatzaileak Geyse Ferreira jokalaria era desegokian zelairatu zuela iritzita.
Izan ere, Geysek txartel gorria ikusi zuen 2021-2022 denboraldiko Erreginaren Kopan jokatu zuen azken neurketan, Madril CFFko jokalari zela, eta oraindik bete gabe zeukan aipatu txartel gorriak dakarren zigorra.
Horrenbestez, Osasunaren zuzendaritza batzordeak adierazi zuen "jokalariek eta zaleek merezi duten errespetuari jarraiki" hartu zuela helegitea aurkezteko erabakia "gertatutako Araudiaren urraketa nabarmenaren aurrean". Dena den, jarraian Bartzelonak zelai gainean izandako "nagusitasuna" aitortu nahi izan zuen.

Iruzkinak

    • Hurrengo zuzenekoak

    • Gaur
    • AS.
    • AZ.
    • OG.
    • OR.
    • LR.
    • IG.
    23 21:45 - 23:59 ZESTA-PUNTA | Eusko Label Winter Series: Barandika-Lopez vs Goitia-Del Rio

    Fitxaketak… LaLiga Fitxaketak…

    Bisitatuena

      Kargatzen ikusiena
      Kargatzen ikusiena