Iker Benitok hautsita du eskuin belauneko lotailu gurutzatua, eta ebakuntza egingo diote datorren astean

Iker Benito Osasunako aurrelariari egindako proben arabera, eskuin belauneko aurreko lotailu gurutzatua hautsita du. Datorren astean egingo diote ebakuntza, eta gero sendatze-prozesua hasiko du.

Nafarroako taldeak ohar bidez azaldu duenez, gaur arratsaldean, Nafarroako Unibertsitatea Klinikan, probak egin dizkiote futbolariari, atzo Sant Jordiren aurkako partidaren azken txanpan min hartu ondoren.

"Oraindik ez dakigu zer neurri duen Ikerren lesioak, baina belauneko zerbait dela ematen du. Jokalari gutxirekin gaudela alde batera utzita. Orduan, proben zain gaude, baina azkenean gertatutakoarekin inozo aurpegia geratzen zaigu", aurreratu zuen Alessio Lisci Osasunaren prestatzaileak, atzo, Errege Kopako norgehiagokaren ostean egindako agerraldian.

1:15

Liscik onartu du Raul Garciak ''minutu gehiago merezi'' dituela