Eibar taldeak maskota ofiziala izango du eta izen bila dabil

Eibarrek maskota-ofiziala aurkeztu du ostegun honetan, eta bere izena klubaren webgunean egindako bozketa baten bidez erabakiko da, gaurtik, martxoaren 30etik, apirilaren 16ra arte.

Horrela, gipuzkoar taldeak asto baten bidez irudikatuko da. Animalia honek, Eibarrek nota batean azaldu duenez, "armagintzaren balio bereizgarrietako batzuk biltzen dituen animalia da: lana, iraunkortasuna, apaltasuna eta sinpatia".

Izenaren bozketan parte hartu nahi dutenek hurrengo hiru aukeretako bat hautatu beharko dute: Armagin, Astogintxo edo Pantxika.

Eibarrek aipatu duen bezala, "astoak oso presente egon dira Eibarren historian". Duela mende eskas garia eta artoa lantzen ziren nagusiki, eta hori posible zen Akondia eta Garagoitiren magalean bizi ziren animalia horren ahaleginari esker. Gaur egun, ia ez dago baserririk zonaldean eta apenas ez dira zerealak landatzen, bakarrik artoa. Klubak argitu duenez, "astoak ere galzorian egon dira".

Ekimen honen bidez, Eibarko entitateak omenaldia egin nahi izan die "Eibar gaur egun den horretara aldatzera" lagundu duten astoei. Oroitzapen bat da, baina batez ere "langile eta atsegina, saiatua eta otzana eta oso azkarra" den animaliagatik mirespena sentitzen dutelako.