Iñigo Martinezek eta Unai Simonek positibo eman dute covid-19an

Athleticek jakinarazi duenez, du Iñigo Martinez atzelariak eta Unai Simon atezainak positibo eman dute jokalariei egin dizkieten azken antigenoen probetan.

Erakunde zuri-gorriak zehaztu du bi jokalariak "osasun-egoera onean" daudela, baikota bere etxean bakartuta.

Ondorioz, erdiko atzelariak eta atezainak ezin izango dute parte hartu Betisen aurka igandean San Mamesen jokatuko den lehian (16:15).

Iñigo Martinezen eta Simonen hutsuneez gain, Marcelino Garcia Toral entrenatzaileak ezin izango ditu zelairatu bere lesioetatik oraindik sendatzen ari diren Yuri Berchiche, Dani Vivian, Asier Villalibre eta Peru Nolaskoain. Horrez gain, Dani Garciak bosgarren txartel horia ikusi zuen Sevillaren aurka iragan larunbatean, eta, hartara, neurketa bateko zigorra bete beharko du jardunaldi honetan.