Athletic club
Final-hamaseirenak
Athletic – Huesca Kopako partida, bertan behera
eitb.eus
Alaves – Girona urriaren 31n jokatuko; aldiz, Sporting – Eibar eta Celta – Reala partidak azaroaren 1ean izango dira.
-
Muniain Huescaren aurka San Mamesen jokatutako partidan. Argazkia: EFE
Ostiral honetan Errege Kopako final-hamaseirenetako kanporaketak zozkatu dira, eta euskal taldeek honako aurkariak izango dituzte: Alaves – Girona, Athletic – Huesca, Sporting – Eibar eta Celta – Reala.
Joaneko partidak urriaren 30etik azaroaren 1era bitartean dira jokatzekoak, baina ez da horrela izango Athleticen kanporaketaren kasuan. Izan ere, azaroaren 3an San Mamesen egingo den MTV World Stage Bilbao kontzerturako prestaketa-lanek galarazi egiten dute zuri-gorrien zelaian neurketarik izatea urriaren 31n.
Horrenbestez, lehia bertan behera geratu da, eta oraindik ez da zehaztu noiz arte atzeratu den. Athleticek ohar bat argitaratu du, eta bertan jasotzen denaren arabera, Espainiako Futbol Federazioak zein Ligak bazuten "ezintasun horren berri".
Halaber, talde zuri-gorriak gaineratu du Huescarekin harremanetan dagoela "San Mamesen jokatuko den joaneko partidaren data eta ordutegia zehazteko".
Gainerako kanporaketei dagokienez, honako datak eta ordutegiak dituzte:
| Urriak 30, asteartea |
|
| Deportivo Ebro – Valentzia | 19:30 |
| Lugo – Levante | 19:30 |
| Leganes – Rayo Vallecano | 20:30 |
| Sant Andreu – Atletico Madril | 21:30 |
| Urriak 31, asteazkena |
|
| Melilla – Real Madril | 19:30 |
| Kordoba – Getafe | 20:30 |
| Alaves – Girona | 20:30 |
| Mallorca – Valladolid | 20:30 |
| Cultural Leonesa – Bartzelona | 21:30 |
| Athletic – Huesca | Betan behera |
| Azaroak 1, osteguna | |
| Sporting – Eibar | 12:00 |
| Villanovense – Sevilla | 16:15 |
| Celta – Reala |
16:15 |
| Almeria – Vila-real | 18:30 |
| Cadiz – Espanyol | 18:30 |
| Racing Santander – Betis | 20:45 |
Hurrengo zuzenekoak
- Gaur
- AZ.
- OG.
- OR.
- LR.
- IG.
- AL.
|
Ez dago zuzenekorik |
-
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
