Alavesek balio handiko puntua lortu du Bartzelonaren aurka bat gutxiagorekin (1-1)

Alavesek garrantzia handiko puntua bereganatu du larunbat honetan, Bartzelonaren aurka bana berdindu ostean (1-1), LaLiga Santanderreko zortzigarren jardunaldian. Gasteiztarrak hamar jokalarirekin geratu dira bigarren zatian, eta hala jokatu behar izan dute partidako azken ordu erdia.

Luis Riojak arabarrak jarri ditu aurreratik Neto Murara Bartzelonako atezainaren eta Gerard Pique atzelariaren arteko elkar ulertze falta aprobetxatuta. Aitzitik, bigarren zatian egindako aldaketek hobekuntza ekarrio diote talde katalanari, eta Antoine Griezmannek norgehiagoka berdindu du Alaves bat gutxiagorekin geratu eta berehala (epaileak bi txartel hori erakutsi dizkio Jota Peleteirori).

Hortik aurrera, Bartzelonak estu hartu du Pablo Machinen taldea, baina Fernando Pachecorekin egin dute topo, eta ez dute baliatzen jakin bat gehiagorekin jokatzeko abantaila.