Alaves, ligako bigarren talderik gazteena

Alaves ligako txapelketan parte hartzen ari direnen artetik bigarren talderik gazteena da Valentziaren atzetik. Izan ere, jokalari gasteiztarren batez besteko adina 25,2koa da; valentziarrena, aldiz, 24,5ekoa.

Babazorroen atzetik honako taldea hauek daude: Reala (25,4) Atletico Madril (25,6), Levante eta Athletic Club (25,7). Sailkapen horretako azken postuetan daudenak, berriz, Bartzelona (27,5), Leganes (27,6) eta Getafe (27,7) dira. Eibarren batez bestekoa adina 26,2koa da.

Alaveseko jokalarien artean 21 urte dituzten Antonio Sivera, Ruben Duarte eta Alfonso Pedraza daude, baita 22 urteko Munir El Haddadi eta Enzo Zidane ere.

Arabarrek 30 urtetik gorako bi jokalari besterik ez dituzte, Manu Garcia (31) eta Alexis Ruano, hain zuzen ere.

Bestalde, aipatzekoa da ere orain arte ligako entrenatzailerik gazteena zenak, Luis Zubeldiak (36), zuzendu zituela gasteiztarren lehendabiziko lau jardunaldiak; orain, ordea, ligako entrenatzaile zaharrenak, 61 urteko Gianni De Biasik, gidatzen ditu Alavesekoen nondik norakoak.