FIFAk atzera bota du Malaysiaren errekurtsoa, eta onartu egin du Facundo Garcesi ezarritako urtebeteko zigorra

FIFAko Apelazio Batzordeak atzera bota ditu Malaysiako Futbol Federazioak (FAM) aurkeztutako errekurtsoak eta Malaysiak nazionalizatutako zazpi jokalari, horien artean jatorri argentinarra daukan Alaveseko atzelari Facundo Garces, zigortuak egin ditu dokumentuak faltsutzeagatik, FIFAK jakinarazi duenez. Apelazio organoak onartu ditu FIFAko diziplina kodearen 22. artikulua hausteagatik jarritako zigor guztiak, dokumentu faltsutzearekin erlazionatuta.

FIFAko Diziplina Batzordeak, irailean, zazpi kirolariei futbolarekin zerikusia duten ekintza guztietan 12 hilabeteko zigorra ezarriko ziela jakinarazi zuen, 2027ko Asiako Kopako kanporaketei dagozkion dokumentuen faltsutzeagatik; Gabriel Felipe Arrocha, Facundo Tomas Garces, Rodrigo Julian Holgado, Imanol Javier Machuca, Joao Vitor Brandao Figueiredo, Jon Irazabal Iraurgui eta Hector Alejandro Hevel Serrano jokalariak zigortu dituzte.

FAMek eta jokalariek 21 eguneko epea daukate Kirol Arbitrajeko Auzitegiaren (TAS) aurrean helegitea aurkezteko.