Arraun Lagunak eta Urdaibai, Kontxako Banderako irabazleak

Arraun Lagunak eta Urdaibai dira 2023ko Kontxako Banderako irabazleak. Donostiako taldea nagusitu da emakumezkoen mailan eta Bermeokoa gizonezkoenean.

Emakumezkoen mailako bigarren jardunaldiko estropadan Arraun Lagunak izan da onena, nagusitasunez garaipena bereganatuta. Lehia parekatua izan da joaneko luzean, baina itzulikoan Donostiako taldeak maila bikaina eskaini du eta garaipenak ez dio ihes egin. Donostiarra izan da bigarren eta Orio hirugarren. Lehen jardunaldia irabazi zuen Tolosaldeak laugarren postuan amaitu du.

1:10

Arraun Lagunakek garaipen bikaina lortu du Kontxako Banderan, eta marka berria ezarri du

Bizi eta indartsu ibili dira arraunean Aarraun Lagunakeko arraunlariak. Hustu egin dira, estropada traineru barrutik ikusten duen EITB Mediaren minikameraren irudiek erakusten dutenez.

10:30

2023ko Kontxako Bandera: Arraun Lagunaken estropada, ontzi barrutik ikusita

Lanak amaituta poza izan da nagusi Arraun Lagunakeko kideen artean. Euskal Telebistak Andrea Astudilloren eta Xubane Undabarrenaren adierazpenak jaso ditu bigarren jardunaldia amaitu ostean.

2:06

Arraun Lagunakeko Andrea Astudillo eta Xubane Uribarrena, pozarren, 2023ko Kontxako Bandera irabazita

Gainera, festak eztanda egin du Arraun Lagunakeko kideen artean bandera jasotzerako orduan.

1:06

Arraun Lagunakek Kontxako Bandera jaso duen momentua eta arraunlarien ospakizuna

Bestalde, berezia izan da eguna Oriorentzat ere, Nadeth Agirre patroiaren azken estropada izan baita. Agirrek hunkituta erantzun die ETBren galderei.

1:43

Nadeth Agirre: ''Datorren urtean afizioarekin egongo naiz bai neskei eta bai mutilei animatzen''

Gizonezkoen mailan, aldiz, Urdaibaik erakustaldia eman du. Hasieratik jarri da ohorezko txandako estropadaren buruan eta txikitu egin ditu aurkariak. Ondorioz, Kontxako Bandera Bermeora eraman dute. Lehen txandan lehiatu den Zierbena izan da bigarren, Hondarribia hirugarren eta Donostiarra laugarren.

1:21

Gozatu ederra hartuta irabazi du Urdaibaik Donostiako Bandera

Lan bikaina egin dute Urdaibaiko arraunlariek. Dena eman dute eta EITB MEdiaren minikameren irudien bidez Bermeoko taldekokideek estropada nola bizi izan duten ikusteko aukera izan dugu.

19:36

2023ko Kontxako Bandera: Urdaibairen estropada, ontzi barrutik ikusita

Garaipena lortu ostean, Iñaki Goikoetxearen adierazpenak bildu ditu ETBk.

1:40

Iñaki Goikoetxea (Urdaibai): ''Gaurko plana zen 12. minutura arte erreferentziarik ez izatea''

Bandera hartzeko momentuan poza eta jai-giroa izan dira nagusi Urdaibaiko kideen artean.

1:21

Urdaibaik Kontxako Bandera jasotzen duen momentua

 Ohiko moduan Kontxako Badian bizitako giroa aparta izan da. Zaleek estropada eremu ingurua koloreztatu dute.

1:13

Donostia gozamenerako txoko bilakatu da gaur, Kontxako Banderaren bigarren jardunaldian

Urtero legez, irudi oso ikusgarriak utzi dizkigu Kontxako Banderak. Arraunlariek dena eman dute, zaleen gozamenerako.

2:55

2023ko Kontxako Banderaren irudirik onenak, musikaren erritmoan

Azkenik, estropadak eta sari-banaketak amaituta, protagonistek bigarren jardunaldiaren analisia egin dute.

0:40

Kontxako emakumezkoen estropadako arraunlarien adierazpenak

0:49

Kontxako gizonezkoen estropadako arraunlarien adierazpenak

Eguna amaitzeko Kontxako irabazleei harrerak egin dizkiete Donostian eta Bermeon. Gipuzkoako hiruburuan harrera egin diote Arraun Lagunaki.

1:44

Donostiarrek harrera beroa egin diote Arraun Lagunaki, Kontxako Bandera ospatzeko