Aizpea Otaegi: "Tentsio handiko eremuak ez du iraultza ekarriko, baina bai alokairuak neurri gabe ez haztea"

Errenteria asteazken honetan bihurtuko da, ofizialki, tentsio haundiko eremu. Eskaera hori egin zuen lehen herria izanik bertan ikusiko dugu neurri horrek zenbatean lortuko duen etxebizitza merkatua kontrolatzea. Aizpea Otaegi alkateak onartu du neurri gehiago ere hartu beharko direla, tentsio haundiko eremu izendatzeak ez duela iraultza izugarria suposatuko baina bai eragotziko duela alokairuen prezioek kontrolik gabe egin dezaten gora eta gora.

Oraindik, legez, alokairuek zein gehienezko muga izango duten ez dago zehaztuta. Erreferentziako prezioen sistemaren bitartez egingo da hori. Ildo horretan, Denis Itxaso etxebizitza sailburuak dei egin die Araba, Bizkaia eta Gipuzkoako ogasunei, etxebizitzen prezioen indizea zehaztu ahal izateko informazioa helerazi diezaioten Ogasun ministerioari.