Igor Arroyo: "Jaurlaritza berriak onartu beharko du oker zeudela sindikatuen kontrako euren kritiketan"

Igor Arroyo LAB sindikatuko idazkari orokorrak "forma aldetik" ondo ikusten du Iñigo Urkulluren jarrera aldatu eta sindikatuak ere elkarrizketa itzuli batera deitu izana Imanol Pradales lehendakari berriak. Hori baino gehiago ere nahi luke, ordea: "Grebara egin dugunean esaten ziguten ez zegoela arrazoirik eta, aldiz, kanpainan aitortu behar izan dituzte arazoak daudela", esan du: "Aitortu beharko lukete oker zeudela sindikatuen kontrako euren kritiketan".

Nolanahi ere, "aurreko Jaurlaritzaren lana balioan jartzeko ahalegin bat ere ikusten" du Arroyok eta zalantzak ditu, formaz harago, gobernu berriaren edukietan aurrera urratsik egongo ote den langileen ongizateari begira. Gauzak horrela, esan du presio egingo diotela Jaurlaritza berriar, adibidez, gutxieneko soldata 1.600 eurotan finkatu dadin edota lanorduak 30 ordutara murriztu daitezen. Jarrera eraikitzailerik ikusi ezean, esan du, mobiziliazioetara joko dute.