Garbiñe Biurrun:"Botere judiziala aldatzea Gorteena da, ez gobernuarena. Argi eduki beharko luke hori".

Bai Garbiñe Biurrun Euskadiko Auzitegi Nagusiko areto sozialeko presidenteak eta bai Augusto Maeso Gipuzkoako Lurralde Auzitegiko magistratuak zail ikusten dute Botere Judizialaren Kontseilu Nagusia berritzeko sistema aldatzea  eta ez dute uste orain beharrezkoa den kongresu eta senatuko gehiengoa aldatzea denik irtenbidea. Orain hiru bosten behar dira baina ez dute uste gehiengo hori lausotzea, gehiengo sinplea ezartzea formula egokiagoa izango denik, ez duelako izendapen politikoa ekiditea lortuko. Diote gehiengo kualifikatuei eutsi behar zaiela baina sistema mixto baten bitartez, non epaileek parte hartze handiagoa ziango duten (legelari elkarteak, abokatu kontseiluak, zuzenbide fakultadeak....)

Sanchezen gutunaren aurretik jusitizia politikoen jo mugan bazegoela esan dute baina Garbiñe Biurrunen hitzetan, badirudi "Sanchez orain konturatu dela arazoa,  arrazoi pertsonalengatik beharbada". Augusto Maesok bat egin du esaterakoan, liskar politikoaren erdigunean epaileak jartzeak, min handia egiten diela bere sinesgarritasun eta zilegitasunari.

Eztabaida politikoaren gainetik, Jusitziaren arazoa epaitegi eta epaile falta dela azpimarratu dute."Hori bai dagokio gobernuari, epaile plaza gehiago eta epaitegi gehiago sortzea", esan du Garbiñe Biurrunek.

Prozedura kriminaleko legea aldatu eta ikerketa  fiskalen esku uzteari buruz, alde mintzatu dira baina baldintza batekin; fiskaltzaren autonomian sakondu behar dela iritzi diote, gaur gaurkoz Gobernuaren menpeko den Fiskal nagusiaren aginduak betetzera behartuta daudelako. "Fiskaltzak inpdenedienteagoa izan behar du Espainian", adierazi dute Maesok eta Biurrunek.