Faktoria
DROGAK ETA FENTANILOA
IMANOL DE LA VARGA | EITB MEDIA
Estatu Batuetan 70.000 lagun hil dira azken urtean Fentanilo gaindosiak jota; epidemia kontrolatu ezinda dabiltza. Euskal Herrian, aitzitik, substantzia horrek ez du presentzia handirik, momentuz. Euskadi Irratiko "Faktorian" drogamenpekotasunaren inguruko azken berrien errepasoa egin dugu.
ARKAITZ AGUERRETXE COLINA
Datozen egunetan biltzar garrantzitsua egingo da Biarritzen. Europako Toxikologia elkarteak bi urtean behin antolatzen duen "Adikzio, Toxikomania, Hepatitis eta Ihesari buruzko batzarra"-ren zuzendariordea da Arkaitz Aguerretxe Colina neuropsikologoa. Hark azaldu digu Fentaniloaren presentzia, momentuz, oso urria dela Euskal Herrian. Arrazoien artean legoke adikzioak atzeman eta prebenitzeko osasun sistema indartsua.
Ivan Montoya, Estatu Batuetako droga adikzioak aztertzen dituen NIDA institutuko zuzendari klinikoak azaldu digu egoera oso ezberdina dela AEBetan. Denbora gutxian Fentaniloak penetrazio handia izan du, eta epidemia larri bilakatu da. Azken urtean 70.000 lagun hil dira gaindosiak josta, horietako asko, drogaren eraginen ondorioz bat-batean arnasa hartu ezinda.
Bi lirateke arrakasta horren arrazoi nagusiak: produzitzeko substantzia merkea dela eta Mexikoko kartelak ari direla droga herrialdean sartzen eta zabaltzen.
Hortik aurrera, Aguerretxek kontatu digu Euskal Herrian ez dela aldaketa handirik sumatu droga kontsumoaren joeran. Hori bai, konturatuta daude Kokainaren kontsumoak nabarmen gora egin duela. Hala ere, gogorarazi du, gaur gaurkoz, tabako eta alkoholaren ondorioz ematen direla heriotza gehien.
Biarritzeko batzarraren atariko, droga kontsumo, adikzio eta ikerketari lotutako bestelako hari-muturrak ere landu ditugu Aguerretxerekin; besteak beste, drogen kontrako balizko txertoak edo zigarreta elektronikoak izan ditugu aipagai.
Irratia zuzenean
Euskadi Irratia Entzun zuzenean Radio Euskadi Entzun zuzenean Radio Vitoria Entzun zuzenean Gaztea Entzun zuzenean EITB Musika Entzun zuzenean EITB Euskal Kantak Entzun zuzenean
emanaldi bereziakRadio Euskadi + Entzun zuzenean Entzun zuzenean Radio Vitoria + Entzun zuzenean
orain albiste
albisteak
albisteak
albisteak
albisteak
albisteak
Kirola
kultura
Azken audioak
2024/05/03
Kantu Kontari 54:13
2024/05/03
Faktoria 22:12
2024/05/03
kultura.eus 28:08
2024/05/03
#-goizak_gaur_1400-# 31:57
2024/05/03
Goizak gaur 31:16
2024/05/03
Faktoria 25:35
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa