'Europan, epai honek erakutsiko ditu Espainiako zuzenbidearen ahuleziak'

Europan procés-ak egingo duen biderako idatzita dago Auzitegi Gorenaren epaia, Iñaki Esparza EHUko Zuzenbide Prozesaleko katedradunak 'Faktoria'n esan digunaren arabera, eta horregatik, egiten dio 'hain tarte zabala oinarrizko eskubideen urraketarik ez dela egon esatera bideratutako tarteari'.

Esparzak uste du, nolanahi ere, sententzia honek Espainiako zuzenbidearen ahuleziak erakutsiko dituela eta zail izango duela ulertaraztea, adibidez, aforamendu sistema eta horrelako zigor larriak jarri dituen prozesu penal batean bigarren instantzia batean apelatzeko aukerarik ez izatea. Horrezaz gainera, EHUko katedradunak uste du, prozesu justu baterako berme behar duen tutela eskubidea ere jarriko dela auzitan eta baita botere judizialaren independentzia ere: 'Injerentziak egon dira unero alde guztietatik', iritzi dio, presio mediatikoa, hauteskunde kanpaina eta filtrazioak adibide gisa jarrita.