'Migranteen ekarpena beharrezkoa da. Lan merkatuak eskatzen du'

Errefuxiatu eta migranteei buruzko berezia izan dugu 'Faktoria'n. Jonan Fernandez Eusko Jaurlaritzaren Giza Eskubideen, Elkarbitza eta Kooperaziorako idazkari nagusiak esan digu iaz baino migrante gutxiago heldu direla gurera, baina hala ere, prest egon behar dela migrazioaren errealitatera, eta indarrean mantentzen dutela "kontingentzia" plana. Nabarmendu duenez, joan den urtean, urria izan zen hilabete konpilkatuena, eta beraz, prest egon behar dela.

Nahia Diaz de Corcuera Gurutze Gorriko migrante eta errefuxiatuen ataleko arduradunak, bere aldetik, nabarmendu du egun Irungo zentroa dutela bakarrik zabalik, eta beste guztiak, Gasteiz, Bilbo eta Donostia prestatuta dituztela, behar izanez gero edozein momentutan zabaltzeko. Gurute Gorriak ere berretsi du iaz baino migrante gutxiago heldu dela aurtengo udan gurera.