'Ikasleren bat gaixo baldin badago, eskolako bere mahaian robota jartzen da'

Zuzenean, elkarrizketa egiten ari ginela, Robbit guk ere probatu dugu. Ivan Arakistain IMHko Digital Manufacturing Unibertsitate Master Dualeko irakaslearen etxean zegoen robota, eta guk, gure ordenagailutik aginduak eman dizkiogu. Ikasleak izango bagina, eta gaixo egoteagatik klasera ezingo bagina joan, telepresentzia robot hau gure ordezkaria izango litzateke eta klasean, gure mahaian eserita, egongo bagina bezala jarraitu ahal izango genuke irakasleak esaten duena. Galderak egiteko aukera ere ematen du IMHko Master honetako ikasleek fabrikatutako robota. Gainera, airearen karbono dioxido neurketa ere egiteko du, eta horrela badakigu gela aireztatzeko momentua heldu ote den. Robbiten erabilitako teknologia eta nola fabrikatzen den ezagutu nahi baditugu webgune honetan partekatu dute informazio guzti hori. Entzun hemen elkarrizketa osorik!