Iñigo Urkulluren zinaren formula

Iñigo Urkulluk lehendakari berria karguaren zina egin du Gernikako arbolaren aurrean: "apal-apalik, Jaungoikoaren eta gizartearen aurrean, eusko-lur gainean zutik, eta Gernikako haritzaren azpian asaben gomutaz, herri-ordezkari zareten zuen aurrean, nire agintea zintzotasunez beteko dudalako, zin dagit", esan du jeltzaleak. "Estatutua eta Bizkaiko Foru Zaharren gainean zin egiten dut", esan du Urkulluk.

Eusko Jaurlaritzaren presidente berriak Gernikako Estatutuaren eta Bizkaiko Foruaren gainean egin du zina, Gernikako arbolaren aurrean eta euskera hutsean. Aurreko lehendakari jeltzale guztiek Biblia baten gainean egin zuten karguaren zina, eta tradizioarekin bat egin ez zuen lehena Patxi Lopez sozialista izan zen.

Aguirrek erabilitako formula

Jose Antonio Aguirre (EAJ) Euskal Kontseilu Nagusiko lehen presidenteak 1936. urtean erabili zuen antzeko formula aukeratu du gaurko Urkulluk. Aguirreren formulak, berriz, "Jaungoikoaren aurrean umiliatuta" hitzak zituen.