Durangoko azoka |EITB Ahotsenea
Ahotsenea
Durangoko Azoka
LUZIA ZUGADI | EITB.EUS
Abenduaren 6tik 10era, besteak beste, Berri Txarrak, Ze Esatek!, En Tol Sarmiento, Rafa Rueda eta Itziarren Semeak arituko dira Ahotsenean.
Durangoko Azokaren aurtengo edizioa berezia izango da Ahotsenearentzat. Euskal sortzaileei zuzendutako guneak hamarkada bat beteko du, eta Euskal Herriko hainbat herritan estreinakoz izan ostean, egitarau zabal eta oparo batekin iritsiko da Durangora.
Aurten ere, bi txokotan egongo da banatuta Ahotsenea: alde batetik, kontzertuen karpa egongo da, Landako aldameneko eremu berdean kokatuta, eta bestetik, literaturari eskainitako txokoa ezarriko dute Landakon bertan. Guztira, 120 proposamen hartuko ditu Ahotseneak: 70 kontzertu eta 50 aurkezpen. Maratoi itzela, beraz, Azokako bisitariek abenduaren 6tik 10era bertan biziko dutena.
Hala, kontzertuen karpak denetariko musika izango du oinarri. Egunean hamalau kontzertu egongo dira, hamar orduko musika zikloa, horrenbestez. Handik igaroko dira, besteak beste, ibilbide luzea egina duten Berri Txarrak, Ze Esatek!, En Tol Sarmiento, Rafa Rueda eta Itziarren Semeak. Era berean, hastapenetan dauden talde berriak ikusiko ditugu han. Musika estiloari dagokionez, rocka nagusituko da, nahiz eta pop doinuak ere entzungo diren, baita trikitrixa ere. Bestalde, zenbait musikarik kontzertu akustikoak emango dituzte.
Literatura alorrean, berriz, 11:00etatik 19:30era hitzaldiak, aurkezpenak, mahai-inguruak eta ikuskizunak egingo dituzte. Aurtengo gonbidatuen artean, Uxue Alberdi, Eider Rodriguez, Jasone Osoro, Jon Arretxe, Tere Irastorza eta Fito Rodriguez izango dira. Aipatzekoa da, gainera, musikariren batzuek ere zapalduko dutela txoko hori: hala nola, Mikel Urdangarinek, Keu Agirretxeak, Yogurinha Borovak eta Joseba Tapiak.
Egitarau osoa
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.