EITBk bertan behera utzi du, kautelaz, bere edukietako baten ekoizpena eta emisioa

EITBk bertan behera utzi du, kautelaz, bere edukietako baten ekoizpena eta emisioa, ikus-entzunezko edukiak egiten dituen ekoiztetxe batek jakin baitu taldeko kide batek salaketak zituela eraso sexistak egiteagatik. 

EITBk programa horren produktore arduradunarekin koordinatuta hartu du kautelazko neurri hori, gertakariak argitu eta dagozkion protokoloak aplikatu arte.

EITBk gaitzespeneko jarrera du, eta zero tolerantzia emakumeen duintasunaren eta eskubideen aurkako edozein portaeraren aurrean.

Horren ildoan, Hiru Damatxo ekoiztetxeak ere oharra kaleratu du X sare sozialean. Dionez, "zilegitasun osoa" eta "babesa" agertu nahi die erasoak salatu dituztenei, eta nabarmendu du ez dutela erasorik onartzen, ezta erasotzailerik babestuko ere.

HIRU DAMATXOKO LAN-TALDEAREN OHARRA https://t.co/a70lBzHbsN pic.twitter.com/ChUfPSMGat

— Hiru Damatxo (@hirudamatxo) December 1, 2024

Aurrez, sare sozial berean sortutako profil batetik etorri da salaketa:

X sare sozialetan publiko egin den salaketa.